Карантин уақытында спортшыларымыз үшін мектептегі әдеттегідей жаттығу уақытша тоқтатылғанмен, үйде жаттығуларын жалғастыруда. Ал Интеллектуалдық ойындармен шұғылданатын спортшыларымыз 1 аптаға созылған Орал қаласында шаxматтан тұңғыш ұйымдастырылған онлайн жарысқа қатысып, бақтарын сынап көрді. Аталған жарыстың басты мақсаты шаxматшылардың кәсіби шеберліктерін арттыру, дарынды шаxматшыларды алдағы жарыстарға іріктеу және де карантин кезінде балалардың бос уақыттарын тиімді пайдалану. Шаxматтан І-ші ашық онлайн біріншілік 2004 ж.т. және одан кіші жастағы жасөспірім қыздар мен ұлдар арасында ұйымдастырылды.
Жарыс 1-9 сәуір аралығында 30 спортшы арасында швейцариялық жүйе бойынша 9 турмен онлайн өтті. Нәтижесінде 6 үздік қатысушы анықталып Орал қаласының дене шынықтыру және спорт бөлімінің диплом, кубоктары және естелік сыйлықтармен марапатталды. Ал болашақ чемпиондарды марапаттау үшін әндері жастар ортасында ерекше әсер қалдыратын, үлкен шығармашылық болашаққа ие Раим & Артур музыкалық дуэтінің мүшесі Артур Давлетьяров спортшыларымызды жеке барып марапаттады. Бүгін балаларға көтеріңкі көңіл сыйласа, күнделікті тіршілікте Артур 20 аймақтың белсенді волонтерларының бірі, қиын жағдайға қалған отбасыларға көмек көрсетуге ұйымдасқан жастардың қатарында.
Үздіктеріміз:
Ұлдар арасында І орынды Абдрахманов Дастан, ІІ орынды Самойлюк Владимир иеленсе, ІІІ орыннан Киреев Арсен көрінді.
Қыздар арасында Федотова Мария алға суырылса, ІІ орынды Хаймулдинова Алуа, ІІІ орынды Митрясова Ульяна иеленді.
