Балаларға Instagram-да аккаунт ашуға жас шектеуі қойылды

Енді 13 жасқа толмағандар Instagram-да жеке аккаунт аша алмайды, себебі Instagram желіні пайдалану нұсқаулығын жаңартты, — деп хабарлайды BAQ.KZ

Енді әлеуметтік желіге тіркелер алдында пайдаланушының туған жылы сұралатын болады. Бұл балалар мен кәмелетке толмаған жеткіншектерді зиянды ақпараттардан қорғау үшін жасалып отыр.

Аталмыш жаңашылдық 4 желтоқсаннан бастап енгізілді. Instagram-ның талабы бойынша, желіні қолданушының жасы кем дегенде 13-тен жоғары болуы тиіс, — делінген хабарламада.

Instagram қолданушының жасы туралы ақпарат құпия сақталып, басқа пайдаланушыларға көрінбейді. Ол жаңа тіркелген жас қолданушыларға сәйкес келетін қауіпсіздік параметрін ұсыну үшін қолданылады.

Бұған қоса, жаңа ережеге сәйкес, direct-ке кімнің хабарлама қалдыруына болатыны айқындалды. Мәселен, желіні жаңартқан қолданушылар енді кез келген адамнан хабарлама ала алмайды. Оған тек өз оқырмандары ғана жаза алатын болады.

Оставьте ответ

Ваш e-mail не будет опубликован. Обязательные поля помечены *