Оралда 4 сағат ішінде 53 468 қала тұрғыны дауыс берген. Бұл 123 сайлау комиссиясында тіркелген 229 581 сайлаушының 23,3% құрайды.
Барлығында дерлік екі партиядан да, қоғамдық ұйымдардан да бақылаушылар бар.
Орал қалалық сайлау комиссиясының төрағасы Нұрлан Бекқайырдың хабарлауынша, барлық сайлау учаскелері сағат 07:00-де ашылды. Барлық жерде, Қазақстан Республикасының Бас мемлекеттік санитарлық дәрігерінің 2020 жылғы 29 желтоқсандағы санитарлық-эпидемиологиялық талаптарына сәйкес жағдайлар жасалған.
Сондай-ақ сайлаушылар сайлау учаскесінен тыс жерде дауыс беруге құқылы. («Қазақстан Республикасындағы сайлау туралы» Қазақстан Республикасының Конституциялық Заңының 41-бабының 6-тармағында белгіленген тәртіппен).
Орал қалалық сайлау комиссияларының барлық мүшелері жеке қорғаныш құралдарымен, оның ішінде бет қалқандарымен қамтамасыз етілген. Олар жеке гигиена ережелерін қатаң сақтауға міндетті.
Бюллетеньдер беру кезінде сайлаушының жеке басын куәландыратын құжат сайлау комиссиясының мүшесіне алыстан көру үшін ұсынылады. Жеке басты растау үшін сайлау комиссиясы мүшесінің өтініші бойынша сайлаушы бетпердесін уақытша шеше алады.
Нұрлан Мағазұлының айтуынша, тек бақылаушылардың өздері заң бұзушылықтарға жол берген. Кейбіреулері ПТР сынақтарының нәтижелерісіз келді, ал басқаларында ешқандай растайтын құжаттар болмады. Олардың барлығы сайлау учаскелерінен шығарылды.
Қазіргі таңда өңіріміз сары аймақта орналасқандығын ескере отырып, учаскеде болған барлық адамдар сайлау басталардан 5 күн бұрын ПТР арқылы COVID-19 сынағынан өтуі керек. ПТР сынағының нәтижелері сайлау учаскесіне тіркелу үшін қажетті басқа құжаттармен бірге ұсынылады.
