Биыл Қазақстан мұсылмандары діни басқармасының құрылғанына 30 жыл толды. Мерейтойдың құрметіне ҚМДБ Төрағасы, Бас мүфти Наурызбай қажы Тағанұлының бастамасымен «30 жылдыққа 30 игі шара» науқаны аясында республика бойынша 30 000 түп тал егілді.
«Атадан мал қалғанша, тал қалсын» деген сөз бар. Расымен де саялы ағаш егіп, балаға мирас болатын бұл дәстүр өз өміршеңдігін жойған емес.
Ендеше осындай игі шараны күнтәртібіне қойған діни басқарма даламыздың көркеюіне де өз үлестерін қосуда. Аталған 30 мың талдың 517 түбі Ақжайық төріне егілді. Қала, аудан, ауыл мешіттерінің ауласына шырша, терек, қарағай, жеміс ағаштары, отырғызылды.
Сәрсенбінің сәтінде дін қызметкерлері мен мешіт жамағаттары игі шараға жұмыла кірісіп, белсенділік танытты.
ҚМДБ-ның БҚО бойынша баспасөз қызметі
