Бүгін Батыс Қазақстан облысының әкімі Ғали Есқалиев актив отырысында өзінің жаңа орынбасарын таныстырды деп хабарлайды облыс әкімінің баспасөз қызметі.
«100 нақты қадам» – Ұлт жоспарында көрсетілген меритократия қағидасына сәйкес ҚР Президенті Әкімшілігі келісімімен және әкімнің өкімімен Батыс Қазақстан облысы әкімінің орынбасары болып Серік Егізбаев тағайындалды.
Серік Рахметоллаұлы 1963 жылы туған, білімі жоғары, Батыс Қазақстан ауыл шаруашылық институтын «агроном», Қазақ мемлекеттік заң академиясын «заңгер» мамандықтары бойынша және ҚР Президенті жанындағы Мемлекеттік қызмет академиясын бітірген. Экономика ғылымдарының кандидаты.
Әр жылдары:
— БҚО әкімі аппараты бөлімінің бас инспекторы, бөлім меңгерушісінің орынбасары,
— ҚР Қаржы министрлігі департамент бөлімінің бастығы,
— ҚР Премьер-Министрінің кеңсесі әлеуметтік-мәдени даму бөлімінің бас инспекторы, ұйымдастыру-инспекторлық және аумақтық даму бөлімінің бас инспекторы,
— ҚР Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінің мемлекеттік инспекторы, бөлім меңгерушісінің орынбасары,
— ҚР Ауыл шаруашылығының вице-министрі.
Күні бүгінге дейін «Qazaqstan» РТРК» АҚ басқарма төрағасының орынбасары болды.
Ол ішкі саясат, білім, жастар саясаты, мәдениет, дін істері, тілдерді дамыту салаларына жетекшілік ететін болады.
«PULS» ақпарат
