Тұрғындардың өтініші жерде қалмайды

«AMANAT» партиясы облыстық филиалының қоғамдық қабылдау бөлмесінде облыстық партия филиалының атқарушы хатшысы Мұрат Мұқаев азаматтарды қабылдады.

Қабылдау барысында азаматтардан бірнеше өтініштермен қатар, ұсыныс-пікірлер де айтылды.

Бірінші болып 93 жастағы қария, еңбек ардагері тұрғын үй мәселесімен келді. Қарияның айтуынша, ауылда үйі болғандықтан қаладан үй берілмейді-мыс. Ардагерге тұрғын-үй бойынша сұрақтарға заңнамалық тұрғыдан кеңестер берілді. Бірақ алдағы уақытта жауапты мекеме өкілдерімен кездесуге жазылу ұсынылды.

Содан кейін 12 жыл бұрын инсульт соққан ІІ топ мүгедегі келді. Азаматшаның айтуынша 2 жыл бұрын зейнетке шыққан екен, бірақ зейнетке шыққандықтан мүгедектігіне байланысты алатын төлемді алып тастапты. Инсульт соққаннан кейін обыр ауруына шалдыққан. Қазіргі кезде бағалардың өсуіне байланысты және пәтер жалдап тұрғандықтан бір зейнетақы жетпейді. Мүгедектікке байланысты төленетін жәрдемақыны зейнетақыға қосу мүмкіндігі болса, бұл мәселені ыңғайластырып беруді сұрады. Барлық мән-жайды біліп, азаматшаны облыстық Еңбек және халықты әлеуметтік қорғау Департаменті басшысының орынбасары Мұқанова Ардақ Ізімқызының қабылдауына жазылды және барлық сұрақтарды осы жауапты мекемемен бірлесіп атқаруға шақырды.

Келесі болып, жеке сот орындаушылардан зардап шеккен тұрғын келді. Тұрғынның мәлімдеуінше, үйді сату барысында сот орындаушы тұрғынға ешбір жасалып жатырған шараларға қатысты хабарландыруларды айтпай, сыртынан барлық құжаттарды рәсімдеумен айналысқан. Алаяқтың кесірінен зардап шеккен тұрғын енді 10 жылдай жалдамалы пәтерде жүр. Тұрғын-үй мәселесін жауапты органдармен бірлесіп, мүмкіндігі болса бір шешімін тауып беруді сұрап отыр.

Заңсыз жұмыстан қысқартылуға ұшыраған қызметкерлер де келді. Заңнамалық тұрғыдан түсініктемелер беріліп, 15 сәуірде өтетін бос жұмыс орындар жәрмеңкесіне шақырылды.

Соңғы болып балалары мен жолдастарының өміріне уайымдаған әйелдер қауымы келді. Азаматшалардың айтуынша Қылмыстық Кодекстің дұрыс әрі нақты белгіленбеген баптарының салдарынан көптеген азаматтар жасамаған қылмыстары үшін бас бостандығынан айырылып отыр. Нақты айтатын болсақ, ҚР Қылмыстық Кодексiнің сәйкес, Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу бойынша 339-бабына өзгерістер енгізілуі керек. Себебі, аталған бап бойынша барлық сотталушының барлығы дерлік «киікті заңсыз аулады» деген айыппен бас бостандығынан айырылуда, бірақ кейде нағыз киікті атқан адам басқа адам да болуы мүмкін. Мұрат Рахметұлы осы бапқа өзгеріс енгізу бойынша облыстық филиалдың заңгері мен бірлесіп ҚР Парламенті Мәжіліс депутаттарына ұсыныс жіберілетінін хабарлады. Аталған ұсыныс ҚР Парламенті Мәжіліс депутаты, ҚР Парламенті Мәжілісінің Заңнама және сот-құқықтық реформа комитетінің Хатшысы Снежанна Имашеваға да жолданатын болады.

Атап өту керек, қабылдау барысында осы сауал тікелей телефон арқылы Снежанна Имашеваға ескертіліп, айтылды. Ұсыныс келген тұрғындармен бірлесе дайындалатын болады.

Қабылдауға келген әрбір тұрғынға Мұрат Рахметұлының тарапынан барлық консультативтік және заңнамалық тұрғыдан түсініктемелер берілді.

«AMANAT» партиясы Батыс Қазақстан облыстық филиалының баспасөз қызметі

Оставьте ответ

Ваш e-mail не будет опубликован. Обязательные поля помечены *