Биыл «Орал» медресесін 8 түлек тәмамдады. Олар кеше үш жыл бойы ұстаздарынан алған білімдерін таразылап, емтихан тапсырды.
Емтихан комиссиясының құрамында ҚМДБ-ның діни білім және кадр дайындау бөлімінің маманы Қожин Жаңабай Маратұлы, Ақтөбе медресе колледжінің ұстазы Нұрғалиев Бауыржан Достанұлы, Орал медресесінің директоры Мұратбек Қыстаубаев, білім ордасының ұстазыдары Ринад Акимов, Асылбек Наурызов болды. Олар шәкірттердің берген жауабын мұқият тыңдап, тиісті бағасын берді.
Олар үш пәннен, атап айтқанда, араб тілі, Құран және фиқһ сабақтарынан қойылған сұрақтарға жазбаша және ауызша жауап берді.
Үш шәкіртіміз өте жақсыға тапсырып, үздік диплом алады.
Түлектер аудан, ауыл мешіттеріндегі діни қызметке тартылады деп жоспарлануда. Ал екі шәкірт білімін одан әрі жетілдіру үшін «Нұр Мүбәрак» Египет ислам мәдениеті университетіне оқуға жолдануда.
ҚМДБ-ның БҚО бойынша баспасөз қызметі
