12 сәуір күні мұндай жағдай Батыс Қазақстан облысының Жәнібек және Тасқала аудандарында тіркелген. Бұл туралы БҚО ТЖД баспасөз қызметі мәлімдеді.
Баспасөз мәліметіне сүйенсек, екпіні 20 м/с-қа дейін жеткен қатты жел салдарынан аталған аудандарда ғимараттардың шатыры жұлынып кеткен. Абырой болғанда, қаза болғандар мен зардап шеккендер болмаған.
Өткен аптаның жексенбісінде «112» қызметі желдің секундына 15-20 метрге дейін күшейетіні туралы SMS-хабарлама таратқан болатын. Осыған орай төтенше жағдайлар департаменті қызметкерлері тұрғындарды ауа райының өзгерістерін қадағалап, сақтық шараларын сақтауды ескертеді:
* дауылдан жер асты өткелдерінде, кіреберістерде, дүкендерде жасырынуға болады. Жарнама қалқандарының, ағаштардың, бағандардың артында, үй қабырғаларының жанында, шатырларда жасырынуға, сондай-ақ электр беру желілерінің астында тұруға болмайды.
* автокөліктерді ағаштардың, билборд конструкцияларының, электр сымдарының астына қоймаңыз.
* дауылды ескерту туралы хабарламаларды елеусіз қалдырмаңыз.
Құтқару қызметінің бірыңғай нөмірі – «112»
Өз тілшіміз
(сурет ғаламтордан алынды)
