Бүгін Орал қаласының мектеп оқушылары арасында «Ұлттық мектеп лигасы» бағдарламасы бойынша гандбол жарысының финалдық ойыны мәреге жетті.
Аталған жарысқа команда құрамында жалпы саны 150-ден астам оқушы Жасөспірім ұлдардан 15 команда, қыздардан 11 команда қатысты.
Финалдық ойынның нәтижесі бойынша гандбол ойынының үздігі болып қаламыздағы №32 жалпы орта білім беретін мектебі танылды.
Ал екінші орынды №22 ЖОББМ мектебінің ұлдарына бұйырса, үшінші орынды №25 ЖОББМ командасы иеленді.
Қыздар арасында №26 ЖОББМ жеңімпаз атанды. Жүлделі екінші орынға №46 ЖОББМ лайық деп танылса, үшінші орыннан №37 ЖОББМ қыздары көрінді.
Гандбол ойынында шеберліктерін көрсетіп, үздік атанған спортшылар да марапатталды.
Олардың қатарында Никита Уракчеев (№32 ЖОББМ), Бекхан Жаксымбетов( №22 ЖОББМ), Данила Логвиненко (№25 ЖОББМ), Маша Водопьянова (№26 ЖОББМ), Диляра Орахова (№46 ЖОББМ), Диляра Аскар (№37 ЖОББМ) сынды жас спортшылар үздіктер қатарынан көрінді.
Жеңімпаздар Орал қаласының дене шынықтыру және спорт бөлімінің диплом және кубоктарымен марапатталды.
«PULS» ақпарат
