Орал халықаралық әуежайы терминалдың инклюзивті ортасын жетілдіруде. Жолаушыларды ыңғайлы және қауіпсіз тасымалдау үшін әуежай амбулифт сатып алды.
Кабинаның жүк көтергіштігі 1 тоннаны құрайды. Амбулифт платформасы жолаушыларды 8 м биіктікке көтере алады, бұл оларды әуе кемелерінің кез келген түріне жеткізуге мүмкіндік береді. 3 маманнан тұратын бригада мүмкіндігі шектеул жолаушыларға қызмет көрсететін болады.
Сіз амбулифтті қосымша өтінімсіз пайдалана аласыз. Әуежайда арнайы сүйемелдеу қызметі жұмыс істейді, оның агентін шақыру үшін аэровокзалға келгеннен кейін ақпарат сөресіне жүгіну жеткілікті. Маман сізге тіркеуден өтуге көмектесіп, жолаушыны ұшақ бортына апаратын ұшу аймағына шығарып салады. Мүмкіндігі шектеулі жолаушыларға қызмет көрсету туралы ақпаратты мына телефондар арқылы алуға болады: +7 (7112) 93-96-75, +7 (7112) 93-96-77.
