«Парасатты отбасы»

         Сыбайлас жемқорлық — қоғамдағы өткір проблемалардың бірі. Оны алдын-алу мақсатында қаламызда түрлі шаралар оздырылуда. Орал қаласының ішкі саясат бөлімінің қолдауымен «Алаш жастар одағы» ҚҚ ұйымдастыруымен 2022 жылы аталған бағытта әлеуметтік жоба жүзеге асырылған болатын.

Шаралардың алғашқысы — «Парасатты отбасы» байқауы. Байқауға 10-нан астам отбасы қатысып, үздік үшеуі дипломдармен және естелік сыйлықтармен марапатталды. 1 орын — Имашевтар отбасы, 2 орын-Досқалиевтер отбасы, 3 орын-Жұматаевтар отбасы.

30 тамызда журналистер арасында сыбайлас жемқорлыққа қарсы бағыттағы үздік жұмыстар байқауы өтті. Журналистер өз белсенділіктерін көрсетіп, «Үздік телевизиялық материал», «Баспа БАҚ-тағы үздік жарияланым» номинациялары бойынша үздіктер анықталып, жүлделі орындарға ие болды.

Тұрғындардың сыбайлас жемқорлыққа қарсы нөлдік төзбеушілігін қалыптастыру мақсатында ақпараттық-түсіндірмелі шараларды өткізу аса маңызды. Сол мақсатта да қала көшелерінде жоба бойына ақпараттық-үлестірмелі материалдар таратылып, баннерлер орнатылды, роликтер түсіріліп, әлеуметтік желілерге жарияланды.

Бұдан бөлек қаланың түзету мекемелерінде де «Қақпа алдындағы кездесулер» өтіп, жұмыспен қамту, кәсіпкерлік, заңгер, психологтардың қатысуымен консультациялар берілді.

Сыбайлас жемқорлық — шешімі күрделі өткір проблема. Сондықтан да сыбайлас жемқорлықпен пәрменді күресу үшін тұрғындар арасында ақпараттық-түсіндіру жұмыстарын өткізудің маңызы зор.

Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруға болады.

Зауре Бекенова,

«Алаш жастар одағы» ҚҚ менеджері

Оставьте ответ

Ваш e-mail не будет опубликован. Обязательные поля помечены *