Қазақстандық кәсіпқой боксшы Геннадий Головкин Worldboxingnews әлемдік рейтингінде көтерілді,- деп хабарлайды Prosports.kz сайтына BAQ.KZ сілтеме жасап.
Рound-for-pound (салмақ санатынан тыс) рейтингінде Геннадий Головкин екі сатыға көтеріліп, бесінші орынға тұрақтады. Қазақстандық боксшы соңғы жекпе-жегінде украиналық Сергей Деревянченконы жеңіп, IBF және IBO чемпиондық белбеулерін иемденді.
Рейтингінің көшін украиналық Василий Ломаченко бастаса, екінші орынға Сауль «Канело» Альварес жайғасты. Үздік үштікті америкалық боксшы Эррол Спенс түйіндеді.
