1 Наурыз — Алғыс айту күніне орай Орал қалалық кітапханалар жүйесінің Орталық балалар кітапханасы «Алғысым саған, Отаным!» атты шара өткізді. Шараға №45 «Нұрсәт» бөбекжайының бүлдіршіндері мен тәрбиешілері қатысты. Шараның мақсаты оқырмандарға Отанына, туған жеріне, ата-анаға «сыйластық» құндылықтары туралы түсініктерін кеңейту, ризашылық пен алғыс туралы түсінік беру. Адам алғыс пен ризашылықты естіген сайын, жақсылық жасағысы келіп тұратынын есте сақтау. Өмірдің әрбір сәтін бағалай білуге үйрену және Табиғат – Анаға мейірімді күні үшін, көңілді жаңбыры мен ақ қары үшін, жұмсақ ақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпау. Бас иіп сәлемдесу,алғыс айту, тіпті бір ауыз сөз айтпай-ақ та жымиып бас ию — адамға деген құрметті, сыйластықты білдіреді.Сенің айналаңдағыларға деген құрметін жымиып тұрып жылы жүзбен амандасудан басталады.Сый, құрмет үлкенге де, кішіге де көрсетіледі.Тіпті үлкендерімізде өзінен жасы кішілердің әдептілігін, көрегендігін, тәрбиесін сыйлап бірінші болып амандасуы да мүмкін. Ризашылықтарын білдіріп, баталарын беріп жатады. Балалар бүгінгі алғыс айту күніне арналған тақпақтарын айтып, әрі қарай «Шаттық шеңбер» жасап, бір-бірлерімен әртүрлі іс-қимылдар арқылы амандасу ойының ойнап, қолдарына жүректі ұстап «Рахмет» сөзін қосу арқылы тілектерін білдірді. Шара соңында кітап көрмесі жасақталды.
Ботагоз ШУКИРОВА,
Орал қалалық кітапханалар жүйесінің Орталық балалар кітапханасының кітапханашысы
