Бүгін,яғни 26 ақпан 03 сағат 29 минутта Атырау-Орал тас жолында 259 шақырымда
Ақжайық ауданы Атамекен ауылынан 10 шақырымда екі «Тойота камри» автокөлігінің соқтығысуы орын алды. Жол-көлік оқиғасы нәтижесінде 2 автокөліктен 4 адам қаза тауып, 6 адам Тайпақ ауылының ауруханасына жеткізілді, — деп хабарлады БҚО ТЖД баспасөз қызметі.
Осыған байланысты, облыс тұрғындарынан шұғыл қажеттіліксіз ұзақ жолға шықпауды сұраймыз. Төтенше жағдай кезінде 112, 101 телефон нөмірлеріне хабарласыңыз.
