21-28 шілде аралығында шахматтан «Uralsk open 2023 – Қазақстан кубогының кезеңі» халықаралық турнирі өтті. Жарыстың жалпы жүлде қоры 23 000 000 теңге.
Uralsk Open америкалық гроссмейстер Ханс Ниманның тамаша жеңісімен аяқталды. Оның жарқын ойыны ұмытылмас әсер қалдырды. Үндістандық гроссмейстер Сетураман лайықты тойтарыс берді, бірақ Ханс өзінің шабуылдау мәнерінде жеңіске жетті.
Ханс Ниманнді (АҚШ) ешкім тоқтата алмады! Екінші айналымдағы жеңілістен кейін «американ экспрессі» мүмкін болатын 7 ұпайдан 6,5 ұпай жинап, үнділік гроссмейстер С.Сетураманнан (қосымша көрсеткіштер бойынша 2-ші орын) және достар М.Петросян мен С.Тер-Саакяннан айтарлықтай басым түсті. Петросян мен Саакян үшінші және төртінші орын алды.
Қазақ шахматшылары, өкінішке орай, жүлдесіз қалды.
Біздің шахматшылар арасында ең үздік деп танылған жасөспірімдер – 15 жастағы Амангелді Ернұр мен Даниял Сәпенов болды. Олардың әрқайсысында 5,5 ұпай бар.
Негізінен жас шахматшылар бақ сынаған «В» тобында Асылхан Құмар 9-дан 8 ұпай жинап 1-ші орын алды. Ерсұлтан Қамбар, Әділет Серіков және Али Оноглу 7,5 ұпайдан жинады. Олар осы тәртіппен Бухгольц коэффициенті бойынша орналастырылды.
Қазақстандық жұлдыздардың жоқтығына қарамастан, турнирге көптеген қатысушылар жиналды. Бұл жарыстың беделін көрсетті. Ал жас дарындар тәжірибелі гроссмейстерлермен бәсекелесудің бірегей мүмкіндігіне ие болды.
Бұл турнир шахмат жарыстары тарихындағы маңызды оқиға болды. Енді біз келесі қызықты шайқастарды асыға күтеміз. Алдағы уақытта жаңа жеңістерге үміт артып, алғыс сезімімен «Uralsk Open 2023» мерекесімен қоштасамыз!
