Биыл Бөрлі ауданына қарасты Ақсай қаласында Құрбан айт мерекесі жоғары деңгейде атап өтілді.
Бөрлі ауданы әкімдігі тарапынан құрбан шалуға рұқсат етілген орындарда мереке күндері барлық рәсімдер ойдағыдай орындалды. Жалпы 300-ден астам қой сойылып, әлеуметтік аз қамтылған 200 отбасыға ет үлестірілді.
Құрбан айт күндері мешіт жамағаты арасында спорттық шаралар ұйымдастырылды.
Бұл мереке – Алла разылығына жетелейтін ізгі амалдар мен мол сауаптар науқаны. Құрбан айтта көптеген игі шаралар атқарылып, адамдар бір-бірін құттықтайды. Өзара ренжіскендер татуласып, көңілдегі кірбіңдер кетеді. Сөйтіп елдің ынтымағы артып, құт-береке орнайды. Мерекенің тағы бір ерекше тұсы – құрбандық шалу және шалынған құрбандық еттерін мұқтаж жандарға үлестіру. Сол арқылы оларға қуаныш пен шаттық сыйлау. Бұл ретте ақсайлық ағайынның мерейі үстем болды.
Үміт ІЗТЕЛЕУ,
Бөрлі ауданы
